“Реал” Левандовски учун “Бавария”га қанча таклиф қилиши маълум бўлди

Мадриднинг "Реал" польшалик ҳужумчи Роберт Левандовскининг трансфери учун "Бавария"га қанча таклиф қилиши маълум бўлди.

Испан нашрлари тарқатган хабарга кўра “қироллик клуби” 29 ёшли тўпурар учун мюнхенликларга 90 млн евро таклиф қилмоқчи. Бундан ташқари “Реал” ушбу трансферга айни дамда “Бавария”да ижара асосида тўп сураётган колумбиялик ярим ҳимоячиси Хамес Родригесни ҳам қўшишга тайёр.

Эслатиб ўтамиз, бундан аввалроқ Левандовски янги мавсумни ҳам “Бавария”да ўтказишни режалаштираётгани ҳақида хабарлар тарқалган эди.