Rasman! Oston O‘runov "Navbahor" bilan 1 yillik shartnoma imzoladi (FOTO)

Xabaringiz bor bundan avvalroq iqtidorli yarim himoyachi Oston O‘runov “Navbahor”dan ketganligi haqida o‘zining instagramdagi sahifasi orqali xabar bergan edi. Biroq, u faqatgina xorijdan taklif bo‘lsagina “lochinlar” safini tark etishi ma’lum bo‘ldi. Hozircha esa unda bunday taklif yo‘q.

Shu sababli Oston kuni kecha “Navbahor” bilan bir yillik shartnoma imzoladi. Bu haqda jamoa muxlislarining telegramdagi sahifasida e’lon qilindi. O‘runov endi yangi mavsumni ham yana namanganliklar safida o‘tkazadi.