Qilichbozlik. Poytaxtimizda yoshlar o‘rtasida O‘zbekiston chempionati start oldi

Musobaqada Respublikamizning turli hududlaridan 300 nafardan ziyod yosh sportchilar sovrinli o‘rinlar uchun kurash olib boradilar. Bellashuvlar qilichbozlikning har uchchala (rapira, sablya, shpaga) yo‘nalishida tashkil etiladi. Qilichbozlar yakkalik va jamoaviy bahslarda ishtirok etadilar.

Musobaqada kuchli uchlikka kira olgan sportchilar medal, diplom va qimmatbaho sovg‘alar bilan taqdirlanishadi. Chempionat 27 yanvarga qadar davom etadi.