Пике Испания термасидаги фаолиятини якунлади

“Барселона” ҳимоячиси Жерар Пике Испания термасидаги фаолиятини якунлаганини маълум қилди.

– Мен миллий терма жамоа бош мураббийи Луис Энрике билан гаплашдим ва якуний қарорга келганимни айтдим. Мен Испания термасида ажойиб даврни ўтказдим. Жамоа билан муваффақиятга эришганимдан бахтлиман, – дейди 31 ёшли Пике.

Пике Испания терма жамоасида 2009 йилдан бери тўп суриб келаётган эди. Бу вақт ичида у жаҳон чемпиони (2010 йилда) ва Европа чемпиони (2012) бўлди. Терма жамоа ҳисобида у жами 100 та ўйин ўтказиб, 5 голга муаллифлик қилган.