Pele: Maradona Messidan yaxshiroq bo‘lgan

Futbol afsonasi braziliyalik Pele “Barselona” hujumchisi Lionel Messini bir tomonlama futbolchi deb baholamoqda. Argentinalik Diego Maradona o‘z davrida Lioneldan yaxshiroq ekanligini ta’kidlab o‘tgan.

– Siz qanday tenglashtirasiz? Men bilan tenglashtirish uchun o‘yinchi o‘ng va chap oyoq hamda bosh bilan juda yaxshi o‘ynay olishi kerak. Men Maradonaning tarixdagi eng yaxshi futbolchilardan deb bilaman. Agar mendan so‘rashsa, u Messidan yaxshiroq. Biroz yaxshiroq. Bekkenbauer va Kroyf ham ajoyib futbolchilar bo‘lishgan, – deydi Pele.