PSJ vakillari hakamdan norozi

L'Equipe nashri tarqatgan xabarga ko‘ra, uchrashuvdan so‘ng bosh hakamning qarorlariga Parij klubi sport direktori Antero Enrike va koordinator Maksvellar e’tiroz bildirishgan.

Parijliklar ikkinchi bo‘lim avvalida o‘z darvozalariga belgilangan penalti va Nabil Fekirning maydondan chetlatilmaganidan norozi bo‘lishmoqda. 

Mazkur mag‘lubiyat PSJ uchun mavsumdagi dastlabkisi bo‘ldi. Mag‘lubiyatga qaramay, Tomas Tuxel shogirdlari Liga-1 turnir jadvalida peshqadamlik qilishda davom etmoqda. Jamoa o‘zining kelgusi bellashuvini 9 fevral sanasida "Bordo"ga qarshi o‘tkazadi.