"Наполи" "Манчестер Сити"нинг украиналик футболчисини ўз сафига қўшиб олмоқчи

Италиянинг “Наполи” клуби раҳбарияти Англиянинг “Манчестер Сити” клуби ярим ҳимоячиси Александр Зинченкони ижарага олиш вариантига қайтишди. Бу ҳақда Tuttomecato хабар бермоқда.

Юқорида номи тилга олинган манба берган хабарга кўра, томонлар бу борада яқин фурсатлар ичида музокарага киришадилар. Илгарироқ, украиналик футболчининг ўзи “шаҳарликлар” устози Хосеп Гвардиола унинг январда жамоани тарк этишига қарши эканлигини айтиб ўтган эди.

Ёзда ушбу икки клуб Зинченко борасида музокаралар ўтказган эди. Бироқ украиналик футболчи “шаҳарликлар” таркибида қолган эди.

Қайд этиш жоиз, “Суонси”га қарши баҳсда Зинченко “Манчестер Сити” сафида АПЛда дебют қилди.