“Nant” – PSJ uchrashuvi noma’lum muddatga qoldirildi

Frantsiya chempionati rahbariyati 28-turdan o‘rin olgan "Nant" hamda PSJ jamoalari o‘rtasidagi o‘yinni boshqa kunga ko‘chirishga qaror qildi.

Bundan avvalroq ushbu uchrashuv 9 yoki 10 mart sanasidan birida o‘tkazilishi ma’lum qilingan edi. Biroq, o‘shau kunlarda “sariq nimchalilar” Nant shahri bo‘ylab ommaviy norozilik namoyishi o‘tkazishni rejalashtirishmoqla. Shahar politsiyasi esa aynan mana shu namoyishga jalb etiladi.

Hozircha “Nant” – PSJ bahsi qachon o‘tkazilishi ma’lum qilinmayapti.

Eslatib o‘tamiz, PSJ ayni damda musobaqa jadvalida 68 ochko bilan 1-o‘rinni egallab turibdi. Hisobida 30 ochko bo‘lgan “Nant” esa 14-pog‘onada bormoqda.