Мессининг ўрнига Аргентинага ким сардорлик қилади? (ФОТО)

Аргентина терма жамоаси бўлажак 2та ўйин учун сардорни аниқлаб олди.

El Mundo Deportivo нашри тарқатган хабарга кўра Гватемала (7 сентябрь) ва Колумбия (11 сентябрь) терма жамоаларига қарши ўтказиладиган ўртоқлик ўйинларида “альбасетлар”ни "Аякс" ҳимоячиси Николас Тальяфико сардор сифатида бошлаб тушади.

Эслатиб ўтамиз, Аргентина терма жамоасининг асосий сардори Лионель Месси эса ЖЧ-2018даги муваффақиятсизликдан сўнг 2019 йилгача халқаро фаолиятида танаффус қилишга қарор қилган эди.