"Манчестер Сити" форвардига яна бир гранд клуб "ошиқ" бўла бошлади

"Манчестер Сити" ҳужумчиси Рахим Стерлингга яна бир гранд клубдан қизиқишлар пайдо бўла бошлади. Бу ҳақда Sun Sport нашри хабар тарқатмоқда.

Унга кўра ПСЖ 23 ёшли футболчи билан амалдаги шартномани узайтира олмаётган “шаҳарликлар”нинг бу борадаги вазиятини синчковлик билан кузатиб бормоқда. Бордию АПЛ гранди ўзининг етакчи ҳужумчиси билан келишувга эриша олмаса, у ҳолда айнан парижликлар унинг кўнглига қўл солиб кўришади.

Маълумот учун, Стерлинг жорий мавсум “Манчестер Сити” сафида жами 10та ўйинда майдонга тушиб, ўз ҳисобига 4та гол ҳамда 3та голли узатма ёздириб қўйишга эришган. Унинг клуб билан амалдаги шартномаси эса 2020 йилга қадар имзоланган.

Эслатиб ўтамиз, Стерлингга ПСЖдан ташқари шунингдек Мадриднинг “Реал” клубидан ҳам жиддий қизиқишлар бўлмоқда.