Lukaku: MYuga qarshi o‘yinda PSJ favorit

"Manchester Yunayted" klubi forvardi Romelu Lukaku UEFA Chempionlar ligasi 1/8 finali doirasida PSJga qarshi bo‘lib o‘tadigan o‘yinlar oldidan o‘z fikrlarini bildirib o‘tdi.

“Bu o‘yinlarda raqibni favorit deb hisoblayman, ammo biz bu bahslarga juda yaxshi tayyorgarlik ko‘rdik. Maydonda nimalar bo‘lishini esa ko‘ramiz.

Shunchaki PSJning tarkibiga qarang, ular safida iqtidorli futbolchilar ko‘p va ajoyib murabbiy bor. Bu o‘yinlarda bizga qiyin bo‘ladi”, - deydi belgiyalik futbolchi.

Eslatib o‘tamiz, “Manchester Yunayted” va PSJ o‘rtasidagi ilk uchrashuv 12 fevral kuni “Old Trafford”da, javob o‘yini esa 6 mart kuni “Park de Prens”Da bo‘ladi.