Левандовски Бундеслигада тарихий натижа қайд этди

“Бавария” клуби ҳужумчиси Роберт Левандовски “Фрайбург”га қарши кечган Германия чемпионати 17-тур ўйинида дубль қайд этиб, тарихий натижага эришди.

Гап шундаки, у Бундеслигада хорижлик ҳужумчилар орасида энг кўп гол киритган иккинчи футболчига айланди. Айни дамда унинг ҳисобида 135 гол мавжуд.

Бу борадаги рейтингни эса Клаудио Писарро 190 гол билан бошқариб бормоқда. Кучли учликка эса бразилиялик Жоване Элбер 133 гол билан якун ясаган.