Левандовски "Бавария" сафидаги 200-ўйинини ўтказди

Мюнхеннинг "Бавария" клуби форварди Роберт Левандовски кеча Бундеслиганинг 3-туридан ўрин олган “Байер”га (3:1) қарши баҳсда иштирок этди.

Эътиборлиси, ушбу ўйин 30 ёшли польшалик футболчи учун “Бавария” сафидаги юбилей 200-учрашув бўлди.

Маълумот учун, Левандовски "Бавария" сафида 2014 йилдан буён тўп суриб келмоқда. У ушбу давр мобайнида ўз ҳисобига 157та гол ҳамда 35та голли узатма ёздириб қўйишга эришган.