Kurashchimiz jahon reytingida etakchilikni qo‘lga oldi

Butunjahon kurash turlari ittifoqi avgust oyi uchun kurashchilar reytingini e’lon qildi. Quvonarlisi, ushbu reytingda terma jamoamiz vakillari ham yuqori pog‘onalarda qayd etilgan. 

Jumladan, vazni 61 kilogrammgacha bo‘lgan polvonlar orasida hamyurtimiz Abbos Rahmonov jahon reytingida birinchi o‘rinda qayd etilgan. Shuningdek, 74 kilogrammgacha bo‘lgan vazn toifasida Bekzod Abdurahmonov ikkinchi, bir yuqori vazn toifasidagi Rashid Qurbonov (-79 kg) va Magomed Ibragimov (-97) uchinchi pog‘onada turibdi.