Jiru "Barselona"ga o‘tishi mumkin

Munir El-Xaddadini “Sevilya”ga sotib yuborgan “Barselona” endi uning o‘rniga munosib nomzod qidirmoqda.

Sport.es tarqatgan xabarga ko‘ra kataloniyaliklarning e’tibori “Chelsi” forvardi Olive Jiruga tushgan. O‘z navbatida “aristokratlar” ham 32 yoshli frantsiyalik futbolchinini joriy qishki transferlar davrida sotib yuborishga tayyor.

Ma’lumot uchun, Jiru joriy mavsum “Chelsi” safida jami 24ta o‘yinda maydonga tushdi va o‘z hisobiga 5ta gol va 4ta golli uzatma yozdirib qo‘yishga erishdi. Uning klub bilan amaldagi shartnomasi yozda o‘z nihoyasiga etadi.