Jahonning eng yaxshi futbolchisi "Real" taklifini rad qildi

“Real”ning xorvatiyalik yarim himoyachisi Luka Modrich Madrid klubining yangi taklifini rad qildi.

Futbolchining “qaymoqranglilar” bilan tuzgan shartnomasi 2020 yilgacha mo‘ljallangan. “Real” uni uzaytirmoqchi edi, biroq bu Modrichni qoniqtirmadi, deya xabar beradi Telemadrid nashri.

Modrich endi “Real”ning yaxshilangan taklifini kutadi, agar o‘xshamasa, u “Inter”ga ketadi va yiliga 10 million evro maosh oladi.

Luka Modrich bu yili jahonning eng yaxshi futbolchisi deb topilib, “Oltin to‘p”ni qo‘lga kiritdi.