Иванович Россияга кетишни ҳохламаса, "Челси"да қолиши мумкин

Лондоннинг "Челси" клуби ҳимоячиси Бранислав Иванович ҳамон ўзининг келажаги борасида аниқ тўхтамга кела олмаяпти. 
Аввал хабар берганимиздек сербиялик футболчига Англиянинг ўзидан ҳам бир нечта жамоалар жиддий қизиқиш билдиришмоқда. Шунингдек Санкт-Петербургнинг "Зенит" клуби ҳам Ивановични ўз сафида кўришни истамоқда. Таъкидлаш керакки питерликлар 31 ёшли футболчи учун "Челси"га 7 миллион евро таклиф қилишган. 

Daily Mail нашрининг хабар беришича мавсум сўнггида "аристократлар" билан шартномаси якунига етадиган футболчи амалдаги келишувни 2018 йилга қадар узайтириб, яна бир мавсум "Стамфорд Бриж"да қолиши мумкин.