Hamid Aktamov: Bugungi bahsda raqibning ishtiyoqi kuchliroq chiqdi

Bugun Superliganing so‘nggi turi doirasida bo‘lib o‘tgan AGMK – “Qizilqum” uchrashuvidan so‘ng mehmonlar ustozi Hamid Aktamov o‘z fikrlarini bildirib o‘tdi.

"Mavsum yakuniga etdi. AGMK jamoasini qo‘lga kiritilgan g‘alaba bilan tabriklayman. Bizning jamoani bugun o‘yini chiqmadi. Balkim bunga qator jarohat olgan o‘yinchilar bor ekani sabab bo‘lgandir. Raqib bugun g‘alabaga ishtiyoqi ko‘proq ekanini namoyish eta oldi. Olmaliqliklarga kelasi mavsumda OChLda omad tilayman", - deydi navoiyliklar ustozi.