Gvardiola: "Manchester Siti" EChL favoritlari qatorida emas

“Manchester Siti” klubi bosh murabbiyi Xosep Gvardiola yana bir marta jamoasining EChLda favoritlardan emasligini ta’kidlab o‘tdi.

– Jamoani EChLda favoritlardan sanaysizmi? Yo‘q. Bizning tarix yarim final haqida gapirmoqda – bu biz erisha olgan maksimal natija. Tayyormizmi yoki yo‘qmi buni bilmayman. “Manchester Siti” favoritlar qatoridan o‘rin olish uchun yaxshiroq bo‘lishi kerak. Masalan, “Yuventus” barchasiga juda yaqin, –deya Gvardiolaning so‘zlarini keltiradi Sky Sports nashri.

“Manchester Siti” hozirda 3 ochko bilan EChL “F” guruhida 2-o‘rinda bormoqda. 3-turda “shaharliklar” Donetskning “Shaxtyor” jamoasi mehmoni bo‘ladi. O‘yin 23 oktyabr kuni tashkil etiladi.