“Бухоро” – “Локомотив” 1:3 (видео)

Сешанба оқшомида Pepsi Суперлигасида 25-тур учрашувлари старт олди. Амалдаги чемпион – Тошкентнинг “Локомотив” клуби сафарда “Бухро” билан куч синашди.

Қескин ва қарама-қарши ҳужумларга бой тарзда кечган учрашувда “темирйўлчилар” ишончли ҳисобдаги ғалабани қўлга киритишди.

Ўйиннинг 7-дақиқасида Темурхўжа Абдуҳолиқов чап қанотдан Шухрат Муҳаммадиев узатиб берган тўпни бош билан дарвозага жойлаб қўйди.

19-дақиқада эса Санжар Шоаҳмедов яна ўша Муҳаммадиевнинг узатмасидан сўнг рақиб дарвозасинин ишғол этишнинг уддасидан чиқди.

39-дақиқада “Локомотив” жарима майдони ичида юзага келган пала-партишликдан унумли фойдаланган Саламат Қуттибоев ҳисобни қисқартиришга эришди, аммо иккинчи бўлимда яна катта саҳнага чиққан Абдуҳолиқов ҳисобнинг ишончли кўриниш олишини таъминлади.

Қуйида эса мазкур ўйин видеошарҳи билан танишиш имконига эгасиз.