Bugun O‘zbekiston U-23 terma jamoasi Myanmaga qarshi maydonga tushadi

Tailandda "M-150 Cup" musobaqasi davom etmoqda. Bugun O‘zbekiston yoshlar terma jamoasi ham musobaqadagi ishtirokini Myanma U-23 terma jamoasiga qarshi kechadigan o‘yin bilan boshlaydi.

Ravshan Haydarov boshchiligidagi jamoa kecha o‘yin oldi mashg‘ulotini o‘tkazdi. Bugun tong futbolchilar uchun engil chigalyozdi mashqlari bilan boshlandi. Peshindan so‘ng futbolchilarga o‘yin oldi ko‘rsatmasi beriladi.

• Ravshan Haydarov: Myanma yoshlar terma jamoasi o‘z vaqtida JChda ishtirok etgan 

Eslatib o‘tamiz, guruhdagi dastlabki bahsda Vetnam terma jamoasi Myanmani 4:0 hisobida mag‘lubiyatga uchratgan edi. O‘zbekiston U-23 - Myanma U-23 uchrashuvi Toshkent vaqti bilan soat 18.00da boshlanadi.