Бугун АГМК - "Истиқлол" баҳсидан олдидан матбуот анжумани бўлиб ўтади

Бугун Осиё Чемпионлар Лигаси иккинчи саралаш босқичи АГМК ҳамда "Истиқлол" жамоалари ўйини олдидан матбуот анжумани ўтказилади. Матбуот анжумани Тошкент шаҳридаги “Lotte” меҳмонхонасининг “Регистон” залида ташкиллаштирилади. Матбуот анжуманига 11:30да “Истиқлол” бош мураббийи Ҳаким Фузайлов ва жамоа сардори Фатҳулло Фатҳуллоев иштирок этса, соат 12:00дан бошлаб АГМК устози Миржалол Қосимов ва жамоанинг етакчи футболчиси Жасур Ҳасанов журналистлар саволларига жавоб қайтаради.

Бугунги ўйинолди машғулотлар Тошкент шаҳридаги “ЖАР” стадионида бўлиб ўтади. 11:00да АГМК машғулотларини бошласа, соат 16:00да “Истиқлол” расмий машғулотни ўтказади. Машғулотнинг дастлабки 15 дақиқаси ОАВ вакиллари учун очиқ.