Бэйл кутилганидан кўпроқ даволанади

Мадриднинг "Реал" клуби вингери Гарет Бэйл "Вильярреал"га (2:2) қарши Ла Лиганинг 17-тур қолдирилган баҳсида сон мушакларидан жароҳат олган эди.

AS нашри тарқатган хабарга кўра 29 ёшл уэльслик футболчи тахминан бир ой майдонга туша олмайди. Қайд этиш лозимки, бундан аввалроқ шифокорлар уни 2 ҳафтада сафга қайтиши ҳақида хабар беришган эди.

Эътиборлиси, бу Бэйлнинг “қироллик клуби”га келганидан буён, аниқроғи 4,5 йил ичидаги нақд 22-марта жароҳат олиши бўлди.

Маълумот учун, Бэйл жорий мавсум “Реал” сафида жами 23та ўйинда иштирок этди ва ўз ҳисобига 10та гол ҳамда 5та голли узатма ёздириб қўйишга эришган.