"Барселона" Ракитичнинг нархини эълон қилди

Каталониянинг “Барселона” клуби сўнгги пайтларда харидори ортиб бораётган хорватиялик ярим ҳимоячиси Иван Ракитични ўз сафида олиб қолмоқчи.

Marca нашри тарқатган хабарга кўра агар қайсидир жамоа 30 ёшли футболчини сотиб олишни истаса, у ҳолда “кўк-анор ранглилар” ҳисобига футболчининг шартномасида белгиланган 125 миллион евролик товон пулини тўлаши лозим. Қолаверса, жамоа устози Эрнесто Вальверденинг ҳам янги мавсумда Ракитичдан умиди катта ва шу боис уни қандай қилиб бўлмасин таркибда сақлаб қолмоқчи.

Эслатиб ўтиш лозимки, Ракитичга ПСЖ клуби жиддий қизиқиш билдирмоқда. Бироқ, УЕФА томонидан қўйилган молиявий фэйр-плей сабаб парижликлар Ракитич борасида қўйилган “Барса” талабини бажара олишмайди.