Азар: Мбаппе “Олтин тўп”га лойиқ

Бельгия терма жамоаси етакчиси Эден Азар эртага бўлиб ўтадиган Францияга қарши ЖЧ-2018 ярим финали олдидан рақиб жамоа ҳужумчиси Килиан Мбаппе ҳақида тўхталиб ўтди.

“Мен у билан бир неча бор телефонда гаплашганман. Болалигида у менинг қандай ўйнашимни томоша қиларди, энди эса мен унинг қандай ўйнаётганини томоша қиляпман. Шубҳасиз, унинг 19 ёшида кўрсатаётган бундай юқори ўйинини хурмат қиламан.

У “Олтин тўп”ни қўлга кирита олади. Лекин менинг назаримда у бунга аллақачон ҳақли”, - дейди Азар.

Эслатиб ўтамиз, Франция – Бельгия учрашуви эртага Тошкент вақти билан соат 23:00да бошланади.