36 ёшли футболчи учун супер кўрсаткич

Генрих Мхитарян бешинчи маротаба Европа кубоги турнири финалига чиқди.

"Интер" Чемпионлар Лигаси ярим финалида "Барселона"ни мағлуб этди (3:3, 4:3) ва мусобақанинг ҳал қилувчи босқичига йўл олди. Унинг рақиби ПСЖ ёки "Арсенал" бўлади.

Мхитарян ўз фаолияти давомида тўртта турли клуб таркибида беш марта Европа кубоги турнирларининг финалларига чиқди. 2023 йилда у Чемпионлар лигасининг кумуш медали совриндори бўлди - "Интер" ҳал қилувчи ўйинда "Манчестер Сити"га енгилди (0:1). Бир йил олдин Генрих "Рома" сафида Конференциялар Лигасида ғалаба қозонди (якуний ўйинда "Фееноорд"ни 1:0 ҳисобида мағлуб этди).

2017 йилда эса "Манчестер Юнайтед" билан Европа Лигаси ғолиби бўлди ва финалда "Аякс" дарвозасига гол урди (2:0). 2019 йилда "Арсенал" билан арманистонлик футболчи Европа лигаси финалига чиқди, бироқ Озарбайжон пойтахти Бокуда ўтказилган "Челси"га қарши ўйинда (1:4) иштирок эта олмади.