3 та гранд клуб Роналдудан юз ўгирди

"Манчестер Юнайтед"нинг португалиялик ҳужумчиси Криштиану Роналду бошқа клублар билан келиша олмаяпти, деб ёзмоқда журналист Фабрицио Романо ўз твиттер саҳифасида.

Манба берган хабарга кўра, "Бавария", "Челси" ва ПСЖ 37 ёшли португалиялик юлдузни сотиб олишдан бош тортган. Аввалроқ Роналду манкунианликларнинг трансфер сиёсатидан норози экани хабар қилинганди.

Криштиану Роналду ўтган мавсум “қизил иблислар” сафида барча турнирларда жами 39 та ўйинда майдонга тушиб, 24 та гол урди ва 3 та голга ассистентлик қилди. Унинг "Манчестер Юнайтед" билан шартномаси 2023 йилнинг ёзига қадар мўлжалланган.