10 киши бўлиб ўйнаган АГМК "Бунёдкор"га имконият қолдирмади

Ўзбекистон Суперлигаси 8-туридан ўрин олган АГМК - "Бунёдкор" учрашуви ўз ниҳоясига етди. Ўйин АГМКнинг 3:1 ҳисобидаги ғалабаси билан якун топди.

32-дақиқада АГМК аъзоси Йован Жокич ўта қўпол қоидабузарлиги сабаб қизил карточка олди ҳамда майдонни тарк этди. 38-дақиқада 10 киши бўлиб қолган АГМК дарвозасига пенальти белгиланди ва Хуршид Ғиёсов ундан унумли фойдаланиб, ҳисобни очди. 58-дақиқада "Бунёдкор" дарвозасига белгиланган пенальтидан унумли фойдаланган Миржалол Қосимов шогирдлари ҳисобни тенглаштиришга муваффақ бўлди ва ўйинда устунликни қўлга олишди. 74-дақиқада Санжар Турсунов дублни расмийлаштирган бўлса, орадан 3 дақиқа ўтар-ўтмас Сардор Раҳмонов гол киритиб, ўйинга нуқта қўйди - 3:1!

Шу тариқа, очколари сонини 15 тага етказиб олган АГМК 2-ўриндаги "Сўғдиёна"га яқинлашиб олди. "Бунёдкор" эса 11 очко билан 7-ўринда бормоқда.

• 90+7'
  

  Учрашув якунланди! АГМК иродали ўйини эвазига ғалабани илиб кетди - 3:1! Эътиборингиз учун раҳмат!

• 90+5'

  Қоидабузарлик, "Бунёдкор"да жарима зарбаси.

• 90+4'

  Аббос Отахонов асабийлашиб кетди.

• 90+2'
  

  Дилшод Жўраев сариқ карточка олди.

• 90+'
  

  Учрашув асосий вақтига 5 дақиқа вақт қўшиб берилди.

• 88'
  

  Учрашув қаҳрамони Санжар Турсунов ўрнига Аббос Отахонов майдонга тушди.

• 86'

  Тўп назорати "Бунёдкор"да.

• 84'
  

  Ўзгаришлар. Иброҳим Ибрагимов ўрнига Суннатилла Абдуллажонов, Хуршид Ғиёсов ўрнига Санжар Рашидов, Миржаҳон Мираҳмадов ўрнига эса Шаҳбоз Эркинов ўйинга қўшилди.

• 82'
  

  Ботирали Эргашев сариқ карточка билан огоҳлантирилди.

• 80'
  

  АГМКда ўзгариш: Касьян ўрнига Полвонов майдонга тушди.

• 77'
  

  ГОООООООООООООООООООООЛЛЛ!!! Гол, ҳа яна гол! Ғофуровнинг бурчакдан узатган тўпини Раҳмонов дарвозага жойлаб қўйди! 3-1!

• 76'
  

  Бурчак тўпини АГМК ижро этади. Хавфли вазият юзага келиши мумкин.

• 75'

  АГМК шиддатли ҳужумлари билан ўйинни янада гўзаллаштирмоқда.

• 74'
  

  ГОООООООООООООООООООЛЛЛ! Турсуновдан дубль! Супергол... АГМКдан камбэк! 2-1!

• 73'
  

  Ўзгариш. Суҳроб Иззатов ўрнига Иброҳим Томива майдонга тушди.

• 71'

  Акром Комилов қўполлиги учун огоҳлантирилди.

• 69'

  Ғофуровнинг узатмасидан сўнг зарба берувчи футболчи топилмади.

• 68'
  

  Бурчакдан тўпни АГМК ўйинга киритиб беради.

• 67'

  Йўлдошевнинг узоқ масофадан йўллаган зарбаси Эргашевга қийинчилик туғдирмади. Қарши ҳужум кўрамиз.

• 66'

  АГМК аъзолари бир амаллаб хавфли ҳужумни бартараф этишди ва тезкорлик билан қарши ҳужумга ўтиб кетишди.

• 65'

  Лутфулло Тўраевнинг зарбаси дарвоза устунининг юқорисидан ўтиб кетди.

• 64'

  "Бунёдкор" аъзолари 18 метрлардан жарима зарбасига эга чиқишди.

• 62'

  Аҳмадалиев пас, Ғофуровдан зарба! Хавфли, аммо ноаниқ

• 61'

  Ғиёсовдан зарба, Эргашев тўпни уриб юборди.

• 60'
  

  Ўзгариш. Фаррух Икромов ўрнига Лутфулла Тўраев майдонга тушди.

• 58'

  "Бунёдкор" иккинчи бўлимнинг аввалида урилмаган голларнинг жазосини чекмоқда.

• 57'
  

  ГООООООООООООООООООООЛЛЛ!!! 10 киши бўлиб қолган АГМК ҳисобни тенглаштирди. Турсунов тўққизлик бурчакка тўпни михлаб қўйди!

• 56'

  Нуқтада Санжар Турсунов.

• 55'
  

  Ягудин ва Касьянга тиббий ёрдам кўрсатилмоқда.

• 54'
  

  Пенальти! "Бунёдкор" дарвозасига пенальти белгиланди! Ҳисоб тенглашиши мумкин!

• 53'

  "Бунёдкор"нинг ҳужумлари ҳимоячилар томонидан қайтарилмоқда. Ғофуровга нисбатан қўполлик ишлатилди.

• 52'

  АГМК қанотлардан ҳужумлар уюштиряпти. Ҳозирча якун йўқ.

• 50'

  Устунлик тўлиқ "Бунёдкор"да.

• 49'

  Тўсин АГМКни яққол голдан сақлаб қолди!

• 48'
  

  Ҳимоячиларнинг хатоси ва Расул Йўлдошевнинг ажойиб ҳаракатидан кейин Йўлдошевнинг ўзи Эргашевнинг қаршисида ёлғиз қолди, аммо Ботирали зарбани оёқлари билан қайтарди! Суперсейв!

• 47'
  

  АГМКда иккита ўзгариш рўй берди. Миржамол Қосимов ўрнига Дилшод Жўраев ва Фортес ўрнига Ҳусниддин Ғофуров майдонга тушди

• 46'
  

  Иккинчи бўлим бошланди.

• 45'

  Футболчилар майдонга қайтишмоқда. Биз ҳам қайтамиз.

• 45+3'
  

  Биринчи бўлим якунланди. Танаффус.

• 45+2'
  

  Икромов дарвозабон билан бирга-бир вазиятга чиққанди, офсайд экан.

• 45+1'

  Тўп назорати "Бунёдкор"да.

• 45+'
  

  Биринчи бўлимга уч дақиқа қўшиб берилди.

• 44'

  Иброҳимнинг 16 метрлардан йўллаган зарбаси хавфли чиқди.

• 43'

  Миржаҳон Йўлдошевнинг хатосидан рақиблар унумли фойдаланиб, жарима майдони ичига кириб боришди, бироқ зарба берувчи футболчи топилмади.

• 41'
  

  Давронжон Эргашев қўполлиги учун огоҳлантирилди.

• 40'

  АГМК жарима зарбасига эга бўлди.

• 38'
  

  ГООООООООООООООООООООЛЛЛ!!! Зарба ўнг томонга, дарвозабон эса аксинча чапга сакради ва ҳисоб очилди. 0-1!

• 37'

  Хуршид Ғиёсов уни ижро этади.

• 36'
  

  Пенальти! Бир киши кам бўлиб қолган олмалиқликлар дарвозасига Танташев пенальти белгилади!

• 35'

  Ўйин бироз «жонланди».

• 34'
  

  Ҳакам ВАРга мурожаатдан сўнг фолни ўта қўпол деб топди ва Жокичга тўғридан-тўғри қизил карточка кўрсатилди. Миржалол Қосимов ҳакамга эътироз билдирмоқда.

• 33'
  

  Вазият ВАР тизимида кўриб чиқилади. Хавфли вазият...

• 32'
  

  Йўлдошевнинг оёғига тўғридан-тўғри қўполлик қилгани учун Жокич огоҳлантирилди.

• 30'

  Ғиёсов жарима зарбасидан тўпни ҳаволатиб ичкарига етказиб берди,  Ўлмасалиевнинг бош билан йўллаган зарбаси кучсиз чиқди.

• 29'

  "Бунёдкор" аъзолари жарима зарбасига эга чиқди. Чап қанотда, жарима чизиғи яқинидан зарба ижро этилади.

• 28'

  Чап қанотдан уюштирилган ҳужумни Миржамол Қосимов чап оёқда йўллаган ноаниқ зарбаси билан якунланди.

• 27'

  Жамоаларнинг номидан келиб чиқсак ўйинга кескинлик етишмаяпти...

• 26'

  Гадоевнинг дарвоза томон тепган зарбаси ноаниқ кетди. Ягудин барибир буни қайтариш эҳтимоли юқори эди.

• 24'

  Ўйин темпи ўртача. Жамоалар ўйинни асосан майдон марказида олиб боришмоқда.

• 23'
  

  "Бунёдкор"да 2-сариқ карточка. Мираҳмадов бу сафар огоҳлантирилди.

• 22'

  Иброҳимовнинг ерлатиб йўллаган зарбасини ҳимоячилар қайтарди. Позицион ҳужум давом этади.

• 21'

  Ўйин бир хил темпда кетмоқда.

• 19'

  Ўнг қанотдан уюштирилган ҳужум марказга кўчди, бироқ зарба берувчи футболчи топилмади. Жокич майдонда ётибди.

• 18'

  Майдон марказида тўп "Бунёдкор" футболчилари томонидан назорат қилинмоқда.

• 17'

  АГМКнинг ҳужумлари марказдаёқ тўхтатилмоқда.

• 15'
  

  Бурчакдан узатилган тўп акробатик тарзда дарвозага йўлланди, бироқ ноаниқ.

• 14'

  Жарима тўпидан комбинацион ҳужум ташкил этилди ва зарба йўлланди. Тўп рикошетдан сўнг майдон ташқарисига чиқиб кетди. Бурчак тўпи.

• 13'

  "Бунёдкор" жаримадан тўпни ўйинга киритиб беради. Тўғридан-тўғри зарба бўлиши ҳам мумкин. 25 метр масофа.

• 12'
  

  Иброҳим Ибрагимов қўполлиги учун огоҳлантирилди

• 11'

  "Бунёдкор" айнан бир тарафдан ҳужум уюштираётгани йўқ. Ҳужумлар бутун майдон бўйлаб уюштирилмоқда. Ижро эса ҳозирча ўхшамаяпти.

• 9'

  Турсуновнинг чап қанотдан узатган тўпига Гадоев етиб бора олмади.

• 6'

  Тўп назорати "Бунёдкор" футболчилари томонига ўтди. Марказдан киришнинг иложи бўлмагани боис қанотлар фаол тарзда ишламоқда.

• 5'

  Олмалиқликлар жарима майдони атрофида позицион ҳужум кетяпти, ҳозирча ижрочи йўқ.

• 4'

  Майдон марказида қисқа узатмалар амалга оширилмоқда.

• 3'

  АГМК футболчиси берган зарбага аниқлик етишмади, дарвозабон тўпни ўйинга киритиб беради.

• 2'

  Дастлабки дақиқалар майдон марказида "Бунёдкор"нинг позицион ҳужум ўтказиши билан бошланди.

• 1'
  

  Учрашув бошланди!