Rojer Federer o‘ng oyog‘idan jarohat oldi
Shveytsariyalik tennischi Rojer Federer Rim shahrida o‘tayotgan "Masters" musobaqasidagi ishtirokini yakunlashga majbur bo‘ldi.
Federer yarim final yo‘llanmasi uchun gretsiyalik Stefanos Tsitsipasga qarshi o‘yin o‘tkazishi lozim edi. Biroq u o‘ng oyog‘idan olgan jarohat sabab chorak finalda kortga chiqmaydigan bo‘ldi.
Shu tariqa, Tsitsipas kurashsiz yarim finalda qatnashish huquqini qo‘lga kiritdi. Endi u navbatdagi bosqichda ispaniyalik Rafael Nadalga qarshi kortga chiqadi.
Fikrlar