Моуриньо: "Португалиянинг Жаҳон чемпионатини ютуш истаги йўқ дейиш – беманилик"

"Бенфика" бош мураббийи Жозе Моуриньо Португалия терма жамоасининг 2026 йилги Жаҳон чемпионатидаги имкониятлари ҳақида фикр билдирди.

"Агар ҳозирги ҳолатга қарасак, терма жамоа таркибида Португалиянинг энг йирик клубларида ва Европанинг энг кучли лигаларида тўп сураётган футболчиларни кўрамиз. Жамоанинг обрўси жуда юқори ва у янада ортиб бормоқда.

Биз ҳар доим ўтмишдаги футболчилар ва мураббийлар ҳақида гапиришимиз мумкин, аммо орадан жуда кўп йиллар ўтди. Энди янги истеъдодлар ҳақида ўйлаш вақти келди. Португалия футбол федерацияси бизда ҳозир мавжуд бўлган шароитларни яратиш учун барча имкониятларини ишга солмоқда.

Португалиянинг Жаҳон чемпионатини ютуш истаги йўқ, дейиш — бу мутлақо беманилик", — деди Моуриньо.