- 66 kg vazn toifasida 3 nafar dzyudochimiz qur’a natijasiga ko‘ra ikkinchi bosqichdan ishtirokini boshlaydi

5-7 mart sanalarida Toshkentda "Katta dubulg‘a" turniri bo‘lib o‘tishidan xabardorsiz. Biroz avval, ushbu turnir qur’asi bo‘lib o‘tdi. - 66 kg vazn toifasidagi sportchilarimiz o‘z raqiblarini bilib oldi. 

Dilshodbek Yo‘ldoshev ilk bahsda hindistonlik Jaslin Saini Singxga qarshi kurash olib boradi. Ushbu vazndagi qolgan 3 dzyudochimiz: Artyom Shturbanin, Muhriddin Tilovov va Sardor Nurillaev o‘z ishtiroklarini ikkinchi bosqichdan boshlaydi. 

Shturbaninni keyingi bosqichda Strainja Bunchich (Serbiya), Tilovovni Xerlen Ganbold (Mo‘g‘uliston), Nurillaevni esa qirg‘izistonlik Baibol Salamat Uulu kutib turibdi.