Зинедин Зидан: Жароҳатлар мени хавотирга солмоқда

"Реал" клуби бош мураббийи Зинедин Зиданни йиғин давомида футболчилар жароҳат олаётгани хавотирлантирмоқда.
Мавсум олдидан, АҚШдаги йиғинда мадридликларнинг 3 та футболчиси жароҳат олиб улгурди. Булар Ферлан Менди, Браим Диас ва Марко Асенсио.
"Жароҳатлар мени ташвишлантирмоқда. Олдинига Марко, кейин Ферлан... Билмадим, Менди қанча вақт майдонга туша олмайди. Шунақаси ҳам бўлиб туради. Кўрамиз ва унга тезроқ жароҳатдан фориғ бўлишини тилаймиз.
Мавсумга тайёргарликни амалда бор футболчилар билан давом эттирамиз, кейин Мадридга қайтамиз.
Марко ўрнига ким ўйнаши ҳақида ўйламадим, барчамиз унинг жароҳатидан тушкун ҳолатдамиз," - деди Зидан.