UFC жангчиси Зарруҳ Адашев ўзининг навбатдаги жангини 15 январь куни UFCнинг навбатдаги турнирида ўтказиши керак эди. Унинг рақиби бразилиялик Клейдсон Родригес эди.
Афсуски, Aдашевнинг сайтимизга маълум қилишича, у қўлидан жиддий жароҳат олган ва ушбу тўқнашувда иштирок эта олмайдиган бўлган. Шу тариқа, мазкур жанг бекор қилинди.
Эслатиб ўтамиз, Зарруҳ Адашев сўнгги жангини "UFC on ESPN 28" турнирида Райан Беноитга қарши ўтказиб, ғалаба қозонган эди. Ундан аввал эса, ушбу промоушендаги икки жангида муваффақиятсизликка учраган.
Шу ўринда, ҳамюртимизни тезроқ соғайиб кетишини тилаб қоламиз!
Изоҳлар (0)
Ҳозирча изоҳлар йўқ