"Ювентус"да яна мураббий алмашадими?
- 20-май 2025, 17:31
- Ali Ahmadxo’jayev
- 0
- Футбол
"Ювентус" спорт директори Кристиано Жунтоли жамоага Тиаго Мотта ўрнига келган мураббий Игор Тюдорнинг келажаги ҳақида фикр билдирди.
"Игор Тюдорнинг келажаги? Айтайлик, у жамоага сезиларли таъсир кўрсатди. Ҳар жиҳатдан яхши иш олиб бормоқда. Тюдор биз билан Клублар ўртасидаги Жаҳон чемпионатида иштирок этади, кейин эса ўйлаб кўрамиз", - дея Жунтолининг сўзларини келтирди Фабрицио Романо ўзининг ижтимоий тармоқларида.
Тюдор 2025 йилнинг март ойидан буён жамоани бошқариб келмоқда. Ҳозирда, "Ювентус" А Сериянинг якунига 1 тур қолганда 67 очко билан тўртинчи ўринни эгаллаб турибди.
"Кекса сениора" Клублар ўртасидаги Жаҳон чемпионатида "G"-гуруҳидан ўрин олиб, БААнинг "Ал-Айн", Англиянинг "Манчестер Сити" ва Марокашнинг "Видад" жамоаларига қарши ўйнайди.
Исмоилов Раҳимжон