"Ювентус" қоидабузар юлдузларини жазолайди

Хабарингиз бор, Европада коронавируснинг учинчи тўлқини бошланган. Қитъада қарантин қоидалари қатъий жорий этилган.

Шунга қарамай, омма эътиборидаги бир неча юлдуз футболчилар ушбу қоидаларни қасддан бузди. "La Stampa" нашри тарқатган хабарга кўра, "Ювентус" футболчилари Уэстон МакКенни, Пауло Дибала ҳамда Артур протоколга амал қилмаган.

Гап шундаки, "кекса сеньора" вакиллари коммендантлик соати бўлаётган пайтда америкалик ярим ҳимоячининг уйида базм уюштирган. Шунингдек, у ерда 20 га яқин одам бўлган. Полиция 1 соат давомида эшикни очишга буйруқ берган.

Энди жамоа уларни жазолаши айтилмоқда. Бугун Турин клуби ҳимоячи Мерих Демираль Туркия йиғинидан коронавирус юқтириб олган ҳолда қайтганлигини маълум қилди.