"Ювентус" пайтдан фойдаланиб "Челси"нинг 4 нафар футболчисини таркибга қўшиб олмоқчи
- 10-март 2022, 22:21
- Baxtiyorjon Toshtemirov
- 0
- Футбол
"Челси"нинг бирданига тўрт нафар футболчиси "Ювентус"нинг қизиқишлар доирасига кириб қолди.
La Gazzetta dello Sport хабарига кўра, Турин клуби ҳимоячи Антонио Рюдигер, ярим ҳимоячи Жоржиньо, шунингдек, қанот ҳимоячиси Ҳаким Зиеш ва Кристиан Пулишичга қизиқиш билдирмоқда.
Қайд этилишича, Жоржиньо “Ювентус”нинг асосий мақсадларидан бири ҳисобланади. "Ювентус" "Рома"дан Николо Дзаньоло қўлга кирита олмаса, айнан Зиеш ва Пулишич бу борада италиялик футболчига муқобил бўлади.
Рюдигерга келсак, унинг “Челси” билан шартномаси ёзда тугайди ва эркин агент сифатида “кекса синьора” билан шартнома имзолаши мумкин.
Эслатиб ўтамиз, бундан олдинроқ “Челси”га янги футболчилар сотиб олмаслик ва таркибдаги мавжуд футболчилар билан шартномани узайтирмаслик бўйича тақиқ қўйлган эди.