"Ювентус" Манжукични МЮ га сотишга тайёр

“Ювентус” форварди Марио Манжукич давралар оралиғида Англия премьер-лигасига кўчиб ўтиши мумкин.

Goal.com нашри тарқатган хабарга кўра 33 ёшли хорватиялик футболчига “Манчестер Юнайтед” клуби жиддий харидор бўлмоқда. Ўз навбатида туринликлар Манжукични 10 млн евр эвазига қўйиб юборишга тайёр.

Маълумот учун, Манжукич “Ювентус” сафида 2015 йилдан буён тўп суриб келмоқда. Унинг туринликлар билан амалдаги шартномаси 2021 йилга қадар имзоланган.