Юрген Клопп икки суперклуб таклифини рад этди
- 17-феврал, 22:54
- Zohir Toshxo’jayev
- 0
- Футбол
“Ливерпуль”нинг собиқ бош мураббийи Юрген Клопп манфаатларини ҳимоя қилаётган агент Марк Косицке немис мутахассисининг мураббийликка қайтиши билан боғлиқ вазиятга изоҳ берди.
Клопп 2024 йилнинг ёзида “Ливерпуль” бош мураббийлиги лавозимини тарк этган ва ҳозир Red Bull компаниясида футбол йўналиши бўйича глобал раҳбар вазифасини бажармоқда.
- Red Bull корпорациясига келишидан олдин Юрген АҚШ ёки Англия терма жамоаларини бошқариши мумкин эди. Агар у ерда Юлиан Нагельсманн бўлмаганида, эҳтимол Германия терма жамоасини ҳам қабул қилиб олган бўларди.
Ҳатто “Челси” ва “Манчестер Юнайтед” ҳам унга мурожаат қилган, гарчи Юрген Англияда бошқа бирор клубни бошқармаслигини аниқ айтган бўлса-да. Бу мурожаатлар ҳали ҳам тўхтамаган, - деди агент.
Юрген Клопп “Ливерпуль”да 2015 йил октябридан 2024 йил январгача, жами тўққиз йил ишлаган. Бу даврда жамоа уч марта – 2018, 2019 ва 2022 йилларда Чемпионлар лигаси финалига чиққан.
2018-2019 йилги мавсумда Клопп жамоаси Премьер-лигада 97 очко билан иккинчи ўринни эгаллаган. Бу Англия олий дивизиони тарихидаги учинчи энг юқори кўрсаткич ва чемпион бўлмаган жамоалар орасидаги энг юқори натижа ҳисобланади.
Шунингдек, у УЕФА Суперкубоги ва “Ливерпуль” тарихидаги илк клублар ўртасидаги жаҳон чемпионати ғалабасини қўлга киритган, кейин эса клубни Премьер-лига чемпионига айлантирган.