Ё сўраган пулимни беринг, ёки қўйиб юборинг!
- 24-июл 2025, 17:03
- Zohir Toshxo’jayev
- 0
- Футбол
“Ньюкасл”нинг швециялик ҳужумчиси Александр Исаак ёзги трансферлар даврида бошқа клубга ўтиши кутилаётган эди. Моҳир тўпурарни Англия чемпиони “Ливерпуль” олмоқчи бўлди.
“Қарғалар” мерсисайдликларнинг 139 миллион евролик таклифини қабул қилмади. Улар ўз ҳужумчисини 173 миллион евродан камига қўйиб юбормаслигини билдирди.
Бу сумма Саудия Арабистонининг “Ал-Ҳилол” клубига маъқул келди ва бу шайхлар 25 ёшли форвард учун курашга қўшилди.
Аслида “Ньюкасл”даъвогарларни чўчитиш учун катта сумма талаб қилмоқда. Клуб Исаакни таркибда сақлаб қолмоқчи. Александрнинг ўзи янги шартномага қарши эмас. Бироқ у талаб қилаётган маош ньюкаслликларни ўйлантириб қўйди.
Александр Исаак ҳафтасига 300 минг фунт стерлинг (тақрибан 245 минг евро) маош сўраяпти. Айни пайтда унинг маоши ҳафтасига 130 фунтни ташкил қилмоқда. Бош мураббий Эдди Хау клуб мутасаддиларидан ўйинчини қолишга кўндиришни сўраган.