Янги юлдуз “Реал”дан таклиф кутиб зерикди ва бошқа жамоа танлади
- 4-июн 2025, 06:33
- Zohir Toshxo’jayev
- 0
- Футбол
Аргентина терма жамоаси ва “Ривер Плейт” клуби ярим ҳимоячиси Франко Мастантуоно Европанинг гранд клублари, хусусан, “Реал” мутасаддилари назарига тушганига айнча бўлган.
Гарчи Франкога Европадан чорловлар кўп бўлса-да, 17 ёшли вундеркинд “Реал”га ўтишни истаган эди. Бироқ мадридликларнинг қизиқиши таклифга даражасига етиб бормади.
Diario AS нашрининг ёзишича, аргентиналик футболчи “Қироллик клуби”дан таклиф кутиб зерикди ва фаолиятини бошқа клубда давом эттиришга қарор қилди.
Манбага кўра, Европа Чемпионлар лигасининг янги ғолиби “Пари Сен-Жермен” Франко Мастантуонони ўз сафига қўшиб олишга жуда яқин турибди.
Transfermarkt портали экспертлари томонидан 15 миллион еврога баҳоланаётган ёш ўйинчининг “Ривер Плейт” билан шартномасида уни олмоқчи бўлган клублар 45 миллион евро миқдорида бадал пули тўлаши лозимлиги белгилаб қўйилган.