Холанд мени алдаб кетган!

“Ливерпуль” футболчиси Жеймс Милнер бир неча йил муқаддам Эрлинг Холанд билан бўлган суҳбатни ошкор қилди.

Ўшанда ливерпулликлар Чемпионлар лигасида норвегиялик футболчи ўйнаган “Ред Булл Зальцбург” билан тўқнаш келган эди.

- Бир неча йил аввал Холанднинг жамоасига қарши ўйнаганимизда, у менга “Лидс” билан шартнома тузмоқчи эканини айтганди. Ўшанда мени алдаган экан, унинг бу қилиғидан ҳайрон бўлдим, - деди Жеймс Милнер.

Холанд кейинчалик “Боруссия” сафига кўчиб ўтган эди. Бу мавсумдан эътиборан, у тўпурарлик маҳоратини “Манчестер Сити”да намойиш этиб келмоқда.