Хоккей. "Ҳумо" плей-оффни ғалаба билан бошлади!

Бундан бироз аввал “Ҳумо” хоккей клубининг Тошкенда Қозоғистон Про-лигасининг плей-офф босқичидан ўрин олган “Горняк”га қарши дастлабки учрашуви якунланди.

Муросасиз кечган ва овер-таймларга қадар давом этган баҳсда 2:1 ҳисобида “қанотлилар”нинг қўли баланд келди. Таъкидлаш керакки, учрашувда “Ҳумо” таркибида Артём Валеев дубль муаллифига айланди.

Эслатиб ўтамиз, эртага ушбу жамоалар ўртасида иккинчи ўйин бўлиб ўтади.