Хитойда бўлиб турган "Сурхон" таркибида "Олимпик" сардори ва россиялик ҳужумчи кўрикдан ўтмоқда!

Кеча Хитойга етиб борган "Сурхон" клуби ўртоқлик ўйинларида иштирок этадиган футболчилар рўйхатини тақдим этди. Шунингдек, клуб матбуот хизмати таркибдаги ўзгаришлар ҳақида ҳам маълумот берди. 

"Жамоамиз таркибига икки футболчи қўшилди: россиялик ҳужумчи Марат Тарек ҳамда 22 ёшли ҳимоячи Беҳзод Шамсиев ("Олимпик"). Ушбу икки футболчи айни вақтда кўрикдан ўтмоқда.

Агар футболчилар жамоамиз билан шартнома тузса, албатта жамоамизнинг веб-сайти ва ижтимоий тармоқларда расмий хабар берамиз. 

Шунингдек, россиялик ҳимоячи Шамил Гасанов оилавий сабабларига кўра, йиғинни ўтказиб юборади", - дейилади хабарда.