Хитой Суперлига. "Шанхай СИПГ" сафарда пешқадамни таслим қилди, Одил Аҳмедов асосий таркибда майдонга тушди

Бугун Хитой Суперлигасининг 6-турида “Шанхай СИПГ” сафарда гуруҳ пешқадами – “Бэйцзин Гоань” меҳмони бўлди.

Қизиқарли кечган баҳс 1:2 ҳисобида меҳмонларнинг ғалабаси билан якунланди. Шанхайликларга ғалаба келтирган голларга Шенчао Ванг (27') ҳамда Оскар (76') муаллифлик қилди. “Шанхай СИПГ” сафидаги ҳамюртимиз Одил Аҳмедов эса ўйинни асосий таркибда бошлади ва 46-дақиқада ўз ўрнини бразилиялик ҳужумчи Халкга бўшатиб берди.

Эътиборлиси, ушбу ғалабадан сўнг ўз ҳисобидаги очколар сонини 14 тага етказиб олган “Шанхай” пешқадамга айланиб олди. “Бэйцзин Гоань” эса 2-ўринга тушиб кетди.

{game}3368049{/game}