Хаби Алонсо: “Рюдигерга нисбатан ирқчилик — мутлақо қабул қилиб бўлмайдиган ҳолат”
- 23-июн 2025, 12:45
- Bilolbek Imomov
- 0
- Футбол
Клублар ўртасидаги Жаҳон чемпионати доирасида "Реал" – "Пачука" (3:1) учрашувида Антонио Рюдигер ирқчилик тажовузига учрагани хабар қилинди. Ушбу воқеа иккинчи бўлим охирида, Густаво Кабраль билан торттишув пайтида юз берди.
Бу ҳолатга жамоа бош мураббийи Хаби Алонсо қуйидагича муносабат билдирди:
"ФИФАнинг махсус протоколи ишга туширилди. Биз воқеа юзасидан тўлиқ суриштирув олиб борамиз.
Антонио Рюдигер ирқчилик ҳақида маълум қилди — биз унга ишонамиз. Бундай ҳолатларга нисбатан муроса бўлиши мумкин эмас, бу каби ишлар содир бўлмаслиги керак. Ҳозирда ФИФА расмий терговни бошлади" - дея маълум қилди "қироллик клуби"нинг янги мутахассиси.
Маълумот ўрнида, "қаймоқранглилар" Жаҳон чемпионатининг 3-турида "Зальцбург"га қарши ўтказади. Ушбу тўқнашув эса 27 июнь куни 06:00да старт олиши режалаштирилган.