WBO янгиланган рейтингни эълон қилди. Ўзбек боксчилари қайси ўринда?

Бутунжаҳон бокс ташкилоти WBO апрель ойи учун янгиланган рейтингни эълон қилди. Рейтингнинг кучли 15 талигидан жой олган ҳамюртларимиз ўрни билан танишинг.

Ўта енгил вазн тоифасида (-50,8 кг) WBO Oriental минтақавий камари эгаси Олимжон Назаров ўтган ойдаги 5-ўриндан бир поғона юқорилаб, 4-ўринга жойлашган бўлса, ярим ўрта вазн тоифасида (-66,6 кг) Қудратиллo Абдуқаҳҳоров 2 поғона кўтарилиб 10-ўринда қайд этилган.

Супер енгил вазн тоифасида (-63,5 кг) Шоҳжаҳон Эргашев ва супер ўрта вазнда ( 76,2 кг) Бектемир Мелиқўзиев ўтган ойдаги ўринларини сақлаб қолиб, иккаласи ҳам ўз вазнида мос равишда 8 ва 12-ўринни эгаллаб турибди.

Ушбу рейтингдан бошқа ўзбекистонлик боксчилар ўрин олмаган.