Винисиус: "Мен "Олтин тўп" ютишни орзу қилмаганман"

"Реал" ҳужумчиси Винисиус Жуниор "Олтин тўп" билан боғлиқ вазият ҳақида фикр билдирди. Бразилиялик футболчи ўтган йили мукофот учун асосий даъвогар сифатида кўрилган эди, бироқ совринни Родри қўлга киритган эди. "Реал" эса сўнгги дақиқаларда маросимга бориш режасидан воз кечди.

"Одамлар ўз хоҳишларига кўра овоз беришади. Менда ҳам ўз фикрим бор. Мен ҳеч қачон "Олтин тўп"ни қўлга киритишни орзу қилмаганман. Бунга яқинлашганингда, ишонч пайдо бўлади. Лекин мен ҳали ҳам имкониятга эгаман. Мен аллақачон икки марта Чемпионлар лигасида ғалаба қозонганман ва яна кўплаб ютуқларга эришмоқчиман."

"Маросимга бормаслик қарорини ким қабул қилди?"

"Мен клуб менга нима буюрса, шуни қиламан. Мендан қолишни сўрашди, мен эса бу қарорни хотиржам қабул қилдим," — деди Винисиус матбуот анжуманида.