Винисиус албатта бизга келади!
- 12-январ, 19:23
- Ali Ahmadxo’jayev
- 0
- Футбол
Мадриднинг “Реал” клубида 2019 йилдан бери ўйнаб келаётган бразилиялик Винисиус Жуниор Саудия Арабистони чемпионати вакиллари учун анча вақтдан бери трансфер мақсадларидан бири ҳисобланади.
Бразилиялик футболчининг мадридликлар билан амалдаги шартномаси 2027 йилда тугайди. Томонлар ҳамкорликни узайтириш бўйича бир неча музокара ўтказган бўлса-да, ҳали якуний тўхтамга кела олмаган.
Шу боис, “Қироллик клуби” 2026 йилнинг ёзида қимматбаҳо активини мўмай даромад эвазига сотиб юбориши мумкинлиги айтилоқда. Саудия Арабистони клублари эса, Винисиус учун ҳеч қандай харажатдан қочмайди.
- Ҳа, мен Винисиуснинг Саудия Арабистонига кўчиб ўтишини тасаввур қиляпман. Яқин келажакда бу ерда энг юқори даражадаги, авж чўққисидаги футболчилар тўп суришининг эҳтимоли жуда катта, - деди илгари “Барселона”да ишлаган ва айни пайтда “Ал-Иттиҳод” спорт директори лавозимида фаолият юритаётган испаниялик мутахассис Рамон Планес.
Transfermarkt порталига кўра, Винисиус Жуниорнинг трансфер баҳоси 150 миллион еврони ташкил этади.