"Вест Хэм" Грэм Поттер билан шартномани бекор қилди. Унинг ўрнини эса португалиялик мутахассис эгаллаши мумкин

"Вест Хэм" раҳбарияти жамоа бош мураббийлигидан бўшатилган Грэм Поттернинг ўрнига португалиялик мутахассис Нуну Эшпириту Санту номзодини асосий вариант сифатида кўриб чиқмоқда.

Шу билан бирга, лондонликлар собиқ бош мураббий Славен Билични ҳам эҳтимолий номзодлар рўйхатига қўшган.

Эшпириту Санту сентябрда "Ноттингем Форест"дан бўшатилган эди. У ўтган мавсумда жамоа билан АПЛда 7-ўринни эгаллаган.

Ҳозирги мавсумда эса "Вест Хэм" 5 турдан сўнг 4 марта мағлубиятга учраб, 3 очко билан турнир жадвалида 19-ўринни эгаллаб турибди.