Ванда Нара: Икардини тинч қўйинглар

ПСЖ ҳужумчиси Мауро Икардининг аёли ва агенти Ванда Нара футболчи атрофидаги вазият ҳақида гапириб ўтди.

"Муаро бу ёққа кел, Муаро у ёққа бор... Бўлди, уни тинч қўйинглар, у ҳақида бошқа миш-миш тарқатманглар. Мауронинг келажаги бўйича саволларни унинг ўзига тўғридан-тўғри беришингиз мумкин", - дейди Ванда Нара.

Икарди учун "Милан", "Атлетико" ва "Ювентус" клублари қизиқиш билдираётгани ҳақида хабарлар тарқатилмоқда. Ванда Наранинг ўзи ҳам Икарди "Интер"га қайтишни хоҳлаётгани ҳақида айтиб ўтган эди.